კოლხური ბზა

კოლხური ბზა – (Buxus colchica Pojark = Buxus semprevirens L.); ოჯახი: ბზისებრნი (Buxaceae). 2-15 მ სიმაღლის მარადმწვანე ბუჩქი ან ხეა. დიამეტრი 50 სმ-მდეა. ღერო სწორად მდგომია, ძირიდანვე ხშირი დატოტვით, ტოტები 4-წახნაგოვანია, ნორჩობაში – შებუსული. ფოთლები მარტივია, ტყავის მსგავსად შიშველი. მოპირისპირედ ან იშვიათად რიგ-რიგად განლაგებული. ფორმით მოგრძო-კვერცხისებური ან ლანცეტა, მოკლეყუნწიანი. ფირფიტა 1-3 სმ სიგრძისა და 1 სმ სიგანისაა, მუქი მწვანე, ქვედა მხარეზე ოდნავ ღია. ნაყოფი 3 რქისებური გამონაზარდით ბოლოვდება. ყვ. II-IV; ნაყ. VI-IX. იზრდება ქვეტყედ შერეულ და წიწვოვან ტყეებში. ზოგჯერ ქმნის რაყებს. ეტანება ქვიან ან ღრმა ნიადაგებს. კახეთში საკმაოდ იშვიათია, მისი ნახვა შესაძლებელია ბაბანეურის ნაკრძალში, ქალაქ ყვარლის მიდამოებში. შესულია საქართველოს წითელ ნუსხაში, როგორც საფრთხის ქვეშ მყოფი სახეობა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *