მრავალნაყოფა ღვია

მრავალნაყოფა ღვია – (Juniperus polycarpos K. Koch); ოჯახი: კვიპაროსისებრნი (Cupressaceae). ძირითადად, პატარა ზომის ხეა, 6-12 მ სიმაღლის. ვარჯი ხშირია, პირამიდული ან ცილინდრული. ქერქი მოწითალო რუხია. წიწვები ღია მწვანე ფერისაა, პატარა ზომის, მჭიდროდაა ყლორტებზე კრამიტისებურად განლაგებული, მოყვანილობით კვერცხისებურია ან რომბული. ზურგის მხარეზე ფისოვანი ჯირკვლებით ხასიათდება. მამრობითი გირჩები კვერცხისებურია, მდედრობითი – სფეროსებური ყვ. ნაყ. IV-V. იზრდება მშრალ, ქვიან ფერდობებზე, ვაშლოვანისა და სხვა სემიარიდული ეკოსისტემების ნათელი ტყეების შემადგენელი ნაწილია. შესულია საქართველოს წითელ წიგნში, როგორც მოწყვლადი სახეობა.

წყარო

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *